തിരുവനന്തപുരം: കോടികള്‍ മുടക്കി നിര്‍മിച്ച റോഡ് ദിവസങ്ങള്‍ക്കകം തന്നെ ഗര്‍ത്തം രൂപപ്പെട്ട് അപകട കെണിയായി മാറി. കാട്ടാക്കട കള്ളിക്കാട് റോഡില്‍ വീരണകാവ് ഏഴാമൂഴി പാലത്തിനു സമീപം ഇപ്പോള്‍ ഒരു വശം ഇടിഞ്ഞു താഴ്ന്നു വലിയ ഗര്‍ത്തം രൂപപ്പെട്ട നിലയിലാണ്. ഇതിനുള്ളില്‍ ഒരാള്‍ക്ക് യഥേഷ്ടം ഇറങ്ങി നില്‍ക്കാനുള്ള വ്യാസവും ആഴവും ഉണ്ട്. കൂടാതെ ഉള്ളിലേക്ക് തുരങ്കം പോലെയാണ് ഇപ്പോഴത്തെ അവസ്ഥ.
റോഡിലൂടെ വാഹനങ്ങള്‍ പോകുമ്പോള്‍ സമ്മര്‍ദം കൊണ്ട് റോഡിൻ്റെ കൂടുതല്‍ ഭാഗം ഇടിഞ്ഞ് അപകടം ഉണ്ടാകാനുള്ള സാധ്യതയും ഏറെയാണ്. റോഡിനു വശത്തായതിനാല്‍ ചെറു വാഹനങ്ങള്‍ ഈ ഗര്‍ത്തത്തില്‍ പെട്ടാല്‍ ഇവിടം കൂടുതല്‍ പൊട്ടിപ്പൊളിഞ്ഞു വാഹനം ഉള്‍പ്പെടെ ഉള്ളില്‍ പോകും.