പട്ടാമ്പി | നാടക കലാകാരന്മാരുടെ സംഘടനയായ നാടക് പട്ടാമ്പി മേഖല സമ്മേളനം നടത്തി. നാടക് സംസ്ഥാന വൈസ് പ്രസിഡന്റ് മുരളി കോട്ടക്കൽ ഉദ്ഘാടനം ചെയ്തു. മേഖല പ്രസിഡന്റ് സുധീർ പെരിങ്ങോട് അദ്ധ്യക്ഷതവഹിച്ചു. വിജയൻ ചാത്തന്നൂർ, ശൈലജ ടീച്ചർ, അരുൺ ലാൽ , അസിസ് പെരിങ്ങോട്, ഗോപാലൻ മാസ്റ്റർ, സുന്ദരൻ ചെട്ടിപ്പടി എന്നിവർ സംസാരിച്ചു. ചടങ്ങിൽ കേരള സംസ്ഥാന ചലച്ചിത്ര പുരസ്ക്കാരം, അവനവൻ കടമ്പ പുരസ്കാരം എന്നിവ നേടിയ അരുൺ ലാലിനെ ആദരിച്ചു. കൂടാതെ എസ്.എസ്.എൽ.സി, പ്ലസ്ടു എന്നിവയിൽ ഉന്നത വിജയം നേടിയ നാടക കലാകാരന്മാരുടെ മക്കളേയും ആദരിച്ചു.
പുതിയ ഭാരവാഹികളെ തെരഞ്ഞെടുക്കൽ, വിവിധ കലാപരിപാടികൾ എന്നിവയും അരങ്ങേറി. മോഹൻ ദാസ് കറ്റാശ്ശേരി സ്വാഗതവും ഷാജി നന്ദിയും പറഞ്ഞു.
ഫോട്ടോ . നാടക് പട്ടാമ്പി മേഖലാ സമ്മേളനം നടക് സംസ്ഥാന വൈസ് പ്രസിഡന്റ് മുരളി കോട്ടക്കൽ ഉദ്ഘാടനം ചെയ്യുന്നു.