ചിങ്ങം ഒന്ന് പതാകദിനമായി ആചരിച്ചു

ശ്രീനാരായണ ഗുരുദേവന്റെ ജന്മദിനമായ ചതയ ദിനാഘോഷത്തിന് തുടക്കം കുറിച്ച് എസ്എൻഡിപി യോഗത്തിന്റെ നേതൃത്വത്തിൽ ചിങ്ങം ഒന്ന് പതാക ദിനമായി ആചരിച്ചു. പാലക്കാട് യൂണിയൻ ഓഫീസിനു മുന്നിൽ എസ്എൻഡിപി യോഗം പാലക്കാട് യൂണിയൻ സെക്രട്ടറി കെ. ആർ ഗോപിനാഥ് പതാക ഉയർത്തി . യൂണിയൻ പ്രസിഡൻറ് ആർ. ഭാസ്കരൻ, യോഗംഡയറക്ടർമാരായ അഡ്വ: കെ രഘു , ജി. രവീന്ദ്രൻ , പി. മുരുകൻ, വനിതാ സംഘം യൂണിയൻ ഭാരവാഹികളായ പ്രേമകുമാരി ശിവദാസ്, പത്മാവതി പ്രഭാകരൻ, ജ്യോതി ഉണ്ണികൃഷ്ണൻ , യൂത്ത് മൂവ്മെൻറ് കേന്ദ്ര കമ്മിറ്റി അംഗം പ്രജീഷ് പ്ലാക്കൽ , ശാഖാ ഭാരവാഹികളായ എ.ശിവദാസൻ , സത്യൻ എന്നിവർ പങ്കെടുത്തു. യൂണിയൻ കീഴിലുള്ള വിവിധ ശാഖാ യോഗങ്ങളിലും പതാക ദിനം ആചരിച്ചു.