പാലക്കാട് : വലിയപാടം സുബ്രമണ്യ സ്വാമി ക്ഷേത്രത്തിൽ നവരാത്രി മഹോത്സവത്തോടനുബന്ധിച്ച് അഞ്ചാം ദിനത്തിൽ കീർത്തന ഉണ്ണി, മാളവിക എസ്.നായർ, എന്നിവരുടെ ഭക്തിഗാനമാലിക അരങ്ങേറി .
വയലിൻ അഭിജിത്ത് അരവിന്ദും, മൃദംഗം ചന്ദ്രകാന്ത് എന്നിവർ പക്കമേളക്കാരായി ഗണപതി സ്തുതിയോടെ ആരംഭിച്ച ഭക്തി ഗാനമാലികയിൽ സുബ്രമണ്യസ്തുതികളും, ദേവി സ്തുതികളും ആലപിച്ചു,
ക്ഷേത്രം സേവാ സമിതി ഭാരവാഹികളായ എം. ഗിരിഷ് കുമാർ, ആർ.സുകേഷ് മേനോൻ , പി.പ്രകാശ്, എം.മനോജ് കുമാർ, സിജിൻ ബാബു, അനിൽ കുമാർ, ഗോകുൽ കൃഷ്ണൻ, സഞ്ചയ്, അജിത്ത് കുമാർ എന്നിവരുടെ നേതൃത്വത്തിൽ കലകാരികളെയു കലാകാരൻമാരെയും ആദരിച്ചു
നവരാത്രി ആഘോഷത്തിൽ അഞ്ചാം ദിനത്തെ കുറിച്ചുള്ള ഐതിഹ്യം പഞ്ചമിയില്‍ പൂജിക്കപ്പെടുന്ന ദേവീഭാവമാണ് ‘സ്‌കന്ദമാതാ’. സുബ്രഹ്‌മണ്യസ്വാമിയെ മടിയില്‍വെച്ചുകൊണ്ടുള്ള മാതൃപ്രേമ സൗന്ദര്യമാണ് ഈ ദിനത്തിന്റെ പ്രത്യേകത.