എൻ എസ് എസ് മേഖല പ്രവർത്തകയോഗം നടത്തി

പാലക്കാട് താലൂക്ക് എൻഎസ്എസ് യൂണിയന്റെ എഴുപതാം വാർഷിക ആഘോഷങ്ങളുടെ ഭാഗമായി സദ്ഗമയ എന്ന നാമധേയത്തിൽ നടത്തുന്ന മേഖലാ സമ്മേളനങ്ങളുടെ മുന്നോടിയായി തേനൂർ മേഖലയിലെ കരയോഗം, വനിതാ സമാജം ഭാരവാഹികൾ പങ്കെടുത്ത മേഖലാ പ്രവർത്തകയോഗം യൂണിയൻ സെക്രട്ടറി എൻ കൃഷ്ണകുമാറിന്റെ അധ്യക്ഷതയിൽ യൂണിയൻ പ്രസിഡന്റ് അഡ്വക്കേറ്റ് കെ കെ മേനോൻ ഉദ്ഘാടനം നിർവഹിച്ചു. യൂണിയൻ ഭാരവാഹികളായ കെ പി രാജഗോപാൽ, എം സുരേഷ് കുമാർ, അഡ്വക്കേറ്റ് മോഹൻദാസ് പാലാട്ട്, ആർ ബാബു സുരേഷ്, ആർ ശ്രീകുമാർ, പി സന്തോഷ് കുമാർ, താലൂക്ക് വനിതാ യൂണിയൻ വൈസ് പ്രസിഡന്റ് രാജേശ്വരി ടീച്ചർ, വനിതാ യൂണിയൻ ഭാരവാഹികളായ സുനന്ദ ശശിശേഖരൻ, സിന്ദൂ രമേഷ്, തേനൂർ കരയോഗം സെക്രട്ടറി ജ്യോതി പ്രകാശ് എന്നിവർ പ്രസംഗിച്ചു. തേനൂർ മേഖലയിലെ 18 കരയോഗങ്ങളുടെ പ്രവർത്തകരെ പങ്കെടുപ്പിച്ചുകൊണ്ട് നവംബർ 9 ആം തീയതി തേനൂർ കരയോഗ ഓഡിറ്റോറിയത്തിൽ വച്ച് സദ്ഗമയ മേഖല സമ്മേളനം നടത്തുവാൻ തീരുമാനിച്ചു. യൂണിയൻ പ്രസിഡന്റ് അഡ്വക്കേറ്റ് കെ കെ മേനോന്റെ അധ്യക്ഷതയിൽ ചേരുന്ന സമ്മേളനം മണ്ണാർക്കാട് താലൂക്ക് യൂണിയൻ പ്രസിഡന്റ് ശശികുമാർ കല്ലടിക്കോട് ഉദ്ഘാടനം നിർവഹിക്കും. നായർ സർവീസ് സൊസൈറ്റി സംഘടനാ ശാഖ ഓഫീസ് മാനേജർ ബി ഗോപാലകൃഷ്ണൻ നായർ നായർ മുഖ്യപ്രഭാഷണം നിർവഹിക്കും. സമ്മേളനത്തിന് വേണ്ടി കെ പി രാജഗോപാൽ ചെയർമാനും ജ്യോതി പ്രകാശ്കൺവീനറുമായി സ്വാഗതസംഘം രൂപീകരിച്ചു.